一年一度美聯集團盃賽馬日，下月十七日開鑼，一如以往，美聯會請好多名人出席，到時邊睇賽馬，邊論樓市。每年嘅美聯盃，另一吸引之處就係限量禮品，美聯副主席兼副董事總經理黃靜怡，今次已經係第三度為賽馬日設計精品，今次係一款限量版「純銀白馬雕刻虎眼石袖口鈕」，贈予出席嘉賓。
佢同絲絲講，今次紀念品以虎眼石襯托純銀白馬，是代表無窮嘅生命力、堅毅不屈嘅勇氣，盡顯王者氣派；同時亦寓意面對樓市起伏，集團精英擁有堅毅不屈嘅精神，這也是香港嘅精神所在，無論經濟好壞都努力拚博，希望借袖口鈕向客戶及市民傳遞此精神。
除當日嘅嘉賓之外，凡透過該行購入本港住宅嘅買賣雙方及代理，於每日十二時（即該行上市編號）後，最快將臨時買賣合約傳真至指定傳真號碼，即有機會獲得袖口鈕及其他限量禮品套裝，名額只有90套。