相信好多人已經計劃咗點樣運用政府派發嘅六千蚊。對好多人嚟講，六千蚊可能只是錦上添花，但對於香港生活喺貧窮線下嘅一百二十六萬港人嚟講，筆錢已經好好使。
花旗同東華三院最近攜手推行咗一個「$6,000回饋計劃」，將政府派發嘅六千蚊，捐贈畀十二個慈善計劃，直接幫助有需要的小朋友、青少年、無家可歸嘅長者、病患者、肢體殘障同低收入人士。參加者可隨意揀捐一千、二千、三千或者六千蚊回饋社會，帶希望畀有需要嘅人。
花旗好多位管理層已經率先參與計劃，希望可以得到更多社會人士支持。集團董事總經理及香港商業銀行主管郭炬廷話，計劃推出時，好多花旗同事都有同樣想法，希望可以藉住今次機會，幫助弱勢社群，亦都希望同事更了解社區所面對嘅挑戰。
余詩韻