望員工家庭事業兩兼顧
究竟點解渣打香港有咁好福利呢？渣打香港公關姐姐話，公司一向都注重員工家庭生活，希望事業同家庭兩兼顧。大肚婆產假延長咗兩星期，咁男士侍產假又有無增長呢？公關姐姐話，早喺兩、三年前，男員工已經享有五日侍產假，業界之中都算係好多喇。
獲傑出家庭友善僱主獎
今時今日嘅女性工作忙碌，想搵多啲時間陪吓仔女都好難，渣打香港話晒係發鈔行之一，絲絲都希望，佢起到牽頭作用，令到多啲企業延長大肚婆產假。
渣打香港關心員工家庭生活亦都得到認同，一個由政府諮詢組織家庭議會就頒咗一個傑出家庭友善僱主獎畀渣打香港，表揚佢哋係積極推動家庭友善嘅好僱主。
余詩韻