絲絲尋日約咗盛總及一班老友喺廈門見面，佢突然問在座邊個有幫襯佢哋嘅車險，咁梗係有人舉手認頭，盛總就叫佢打電話畀平保嘅索賠中心「報假案」，謊稱遇到車禍，睇下平保嘅理賠員幾時可以到達「案發現場」。
理賠員幾分鐘趕到
點知報咗案都未夠10分鐘，平保嘅理賠哥哥就到咗現場，佢咁有效率，絲絲梗係懷疑係咪預早夾定啦，於是「大審問」個哥哥由邊度嚟、用咩方法嚟等等，佢又答得毫無破綻，咁有效率。
絲絲真係要對平保寫個「服」字。跟住盛總叫理賠哥哥臨時講咗佢嘅工作流程，理賠哥哥突然要當眾演講，顯得非常緊張，但都算講得頭頭是道，相信盛總都會非常滿意啦！
余詩韻