絲絲講場：永亨「鐵人」宣傳稅貸
過往永亨推出稅貸計劃，都有兩樣嘢令絲絲印象深刻，一係貸款息率好進取，另一樣係藝人鄭中基同佢哋拍嘅廣告，連絲絲都數唔清佢哋合作咗幾多年。
不過今年就有啲唔同，佢哋改以鐵甲人公仔做宣傳Icon（標誌）。
棄用藝人 添新意
永亨信用財務總經理吳幗欣（Hilda）同絲絲講，今次由藝人「變」鐵甲人，唔係為咗慳皮，而係想畀大家一個耳目一新嘅感覺，因為佢哋從來未試過以動畫形式做宣傳，而私人貸款業務中，又以稅貸具有季節性，宣傳工作可以一浪接一浪咁做，所以先以稅貸試吓市場反應。
Hilda仲透露，個鐵甲人係佢哋特登邀請坊間嘅設計師悉心繪畫，佢就覺得隻公仔好可愛，期望可以引起市民嘅共鳴。話說回來，個鐵甲人無論外形同畫風，都同以前一套日本著名動畫有啲相似，唔知係咪想勾起大家嘅童年回憶呢？
余詩韻