在位期間大市唔識升
尚福林任內都做咗唔少嘢，包括股權分置改革、推出中小板同創業板、推出期指等等，的確令到中國證券市場有好大變化。聽講中央對佢嘅工作表現同成績有好高嘅評價，之不過，京城嘅券商就唔多同意，仲話如果要畀分，只能夠畀59分。
有人喺網上公開鋪文《寄語尚福林：防守有道還需革新有為》，暗示佢改革推進遲緩。有網民就好唔客氣，只係畀尚福林20分，話佢係「差學生」，應該留級；又有人話尚福林在位，大市指數升幅係零，幾乎人人蝕錢。
尚主席畀人講得最多嘅，就係股權分置改革，但當年推行畀人鬧爆，要政府貼錢畀企業同小股東至推行到。咁算唔算係污點呢？
余詩韻