所謂的拯救歐債方案，愈睇愈似電視台搞嘅籌款節目，都係一味呼籲善長仁翁慷慨解囊，分別只係籌番嚟嘅錢仲要再攞去槓桿化谷大，試問一個輸清光嘅賭仔問你借錢再賭過，諗住贏幾個開翻本，點會有人信？難怪之前市場的樂觀情緒，一下子又告逆轉，投資者亦應調整心態，由之前亂炒落後，轉為打防守戰，國策股值得優先考慮。
國務院剛於上月二十日發布了《關於加強環境保護重點工作意見》，明確推動環保業的發展，並計劃提供稅務優惠措施。事實上，支持城鎮污水處理、城市垃圾焚化等環保產業，亦係十二五的重點內容，身為相關行業龍頭的光大國際（00257），自然值得睇高一線。
自轉型環保業務後，光國盈利連年增長，而早前公布的中期業績，純利按年再增43%，至3.52億元，派息較去年同期增加一倍。其股價自上月低位1.48元回升，漸形成升軌，昨日隨大市微跌收2.27元，不妨候低收集，支持位睇2.1元，阻力睇2.65元。
詩詩