絲絲講場：花旗八達通聯營卡慶生
尋日絲絲去咗個生日會，會上請咗花旗環球個人銀行服務副總經理林鈺華（Christine）、八達通行政總裁張耀堂（Sunny）致詞，究竟邊個生日咁有面？就係花旗同八達通合作出嘅信用卡三周年紀念。
簽帳回贈賀3周年
Sunny話佢同張信用卡慶祝係最適合不過，皆因Sunny曾經喺花旗工作過20年，張信用卡使用嘅網絡係Visa，佢亦做過20個月，依家就喺八達通身居要職，可以話同張卡有千絲萬縷嘅關係。
至於Christine就話，準備咗一連串嘅簽帳回贈優惠，作為今次三周年嘅「生日禮物」；花旗更請咗兩個演員，以戲劇形式講解吓有乜優惠，順便做吓宣傳咁添﹗
講番張信用卡，係花旗同八達通嘅「獨生子」，因為市場上同類型嘅信用卡只得佢一張；而個仔亦都相當生性，過去三年嚟嘅用戶人數升咗三倍，相信Sunny同Christine都相當滿意。
余絲韻