絲絲講場:管央企首要令舵手失眠

足足喺國有資產監督管理委員會做咗七年主任嘅李榮融,最大嘅心得就係管治央企同考核人才。尋日佢喺個論壇度揭開考核人才嘅要訣,就係令央企一把手瞓唔着,咁佢自己至可以瞓得着;佢哋瞓得着,咁李主任就瞓唔着嘞!

李榮融以顏色分優劣

咁點樣令到央企班高層瞓唔着呢?李榮融嘅方法係核對標準,令人才質素提高。佢每個月都要睇吓央企嘅財務快報,然後根據行業,逐月為企業排隊,並細分為四個隊伍排列。首先係行業,接住落嚟係主體盈利企業,「佢哋嘅變化我要關心,好企業就係紅榜」。

另外兩個榜單,一張可能係效益下跌嘅黃榜,月月跟蹤。第四張係高負債企業的償債能力名單,接近黑名單。李榮融話,對人才考核就係逐樣對標。好似前幾日,好多人鬧中石油賺咁多錢。但係以呢個行業嚟講,中石油嘅收入唔高,同埃克森比仲差得遠。

最後佢話,只要樹立咗標桿企業,就唔使佢去鞭打。而人才嘅成長,一定要畀啲壓力佢。好似喬布斯咁,都係喺好大嘅壓力下至有咁大嘅成就喇。

余絲韻

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!