冇人鍾意畀人管住哂，特別係唔想畀監管機構（目及）住，中國國際金融公司（簡稱中金）總裁兼首席執行官朱雲來好有膽識，公開講證券業唔係樣樣都要監管。
中金嘅市佔率好高，朱雲來喺金融界亦無人唔識，由佢開口講呢個話題，唔知會唔會達到更好嘅效果？佢係尋日喺清華大學一個有關經濟管理嘅論壇，大膽提出呢個想法。
佢話中國嘅證券業與經濟體量相比，規模比較小，中國證券行業依家改革緊，有啲涉及前瞻性嘅問題，當然有啲監管政策是必要的，但是有啲就唔係必要嘅。政府可以設定一個合理嘅框架，不停咁進行修改和完善。
同國際性證券公司比較，內地證券業仲有好多發展空間，要追到國際水平，最快就梗係「出走」——尋求海外擴張。畢馬威中國尋日發布最新中國內地證券業調查，結果顯示中國最具規模嘅證券公司正積極透過去香港上市及設立境外子公司尋求海外擴張，研究稱中資證券行將成為跨國同業非常強勁嘅競爭對手。