絲絲講場:關帝「指引」康師傅闖神州

台灣頂新集團喺內地,憑藉「康師傅」品牌嘅滲透能力,可謂已達到「無人不識」嘅地步。但凡事起頭難,原來頂新集團20年前跨出內地第一步時,亦係要憑「貴人相助」。貴人係邊個?咪就係人人都叫佢「關二哥」嘅「關聖帝君」囉。

話說一九八八年十月,當頂新集團諗住去大陸投資嗰陣,國共雙方嘅關係仲幾「緊張」吓,且由於當時魏家供奉「關帝」,於是乎就喺魏家四董魏應行臨行前到行天宮拜神祈願,請求「關帝」指示,結果求得「上上籤」,為魏應行提供巨大信心。

致勝王道──庶民消費

不過,有「關帝」嘅「祝福」,唔代表「唔辛苦」。魏應行話,其實最唔適應係氣候太乾,以致佢一直流鼻血;又經常做「空中飛人」,有時瞓醒都要諗一諗「究竟我喺邊?!」好彩近年頂新喺大陸都搞得有聲有色,全因魏應行明白到,喺內地經營餐飲業,致勝嘅王道是「庶民消費」。那何謂「庶民消費」呢?魏應行嘅理解,就是「諗都唔使諗就會買嘅價格」,配搭「生活中嘅必需品」。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!