「股神」巴菲特已經81歲，掌管投資旗艦巴郡40年，市場不斷透過種種蛛絲馬迹，揣測佢嘅退休大計，但經過咁多年，巴菲特仍完全沒有退下來嘅迹象，甚有「鞠躬盡瘁，死而後已」之意。
巴菲特長子霍華德更指，父親永不言休，佢嘅字典中無「退休」一詞，甚至講過「即使入咗墳墓，佢都會用通靈術同董事開會！」
巴菲特掌管超過1,000億美元資金，過去40年領導巴郡收購約70家企業，一手打造巴郡的投資王國，一舉一動均備受市場注意。
巴郡上月宣布聘請一名投資經理的聲明提到巴菲特嘅最終「退休計劃」，令市場揣測他離退休之期不遠。巴菲特傳記作者基爾帕特里克更話，在此之前，他未見過巴郡提及巴菲特退休的字眼。
不過，霍華德今次講到明巴菲特仍未有意退休，無疑令巴郡股東鬆一口氣。Edward Jones & Co.分析員萊萬多夫斯基指，巴菲特極之勤力，認定佢只要仍有工作能力，便絕不會退下火線，認為巴郡買得過。
余絲韻