微軟早於今年五月已宣布以85億美元收購Skype，但各位若有留意微軟尋日公布嘅人事安排，Skype掌舵人Tony Bates除繼續掌管Skype事業部外，更會直接向微軟行政總裁保曼負責，微軟並且話明要做企業客戶，擺明要以Skype踩入利錢唔細嘅企業通訊領域。
九倉早着先機
有網絡設備商早已洞悉先機，好似思科（CISCO）繼早年推出企業應用嘅IP電話方案後，近年亦以雲計算技術推出新一代產品，使企業可將話音、視像、IM通訊以至無線跨域通訊結合於同一平台之上，而透過與九倉電訊成套系統已經喺本港正式登場，傳統電訊商點樣把握新科技應對通訊工業的革命，可謂直接影響其「錢途」！
余絲韻