絲絲講場：波叔：保險行業最長壽

「收o靚」隨時二三百

佢一睇培訓計劃嘅教師名單，猛話好猛料，搞到佢都想讀埋一份。波叔本身係保險業出身，佢就向學員畀咗個美麗嘅願景，話賣保險可以係好「長壽」嘅行業，見唔少從業員即使五、六十歲時，仍唔驚要提早退休，反而隨時年薪過千萬，有二、三百條o靚都唔出奇咁話。

友邦呢次活動請咗唔少重量級嘉賓出席，連久未露面嘅友邦香港及澳門榮譽主席林文德都親自出席，佢話雖然無執教培訓課程，但不時去探班，為學員打打氣。

其他重量級嘉賓，仲有保聯主席朱永耀（Alex），Alex係滙豐保險要員，出席行家友邦活動會唔會尷尬？不過學波叔話齋，保險市場好大嘅，大家都係想保險業向好，唔使太介懷。咁又係，話唔定第時滙豐保險搞活動，會邀請番身兼保聯壽險總會主席嘅友邦首席市場總監李滿能出席呢？