匯金入市刺激昨日港股反跌為升，另一方面，「十‧一」黃金周期間內需消費市道據聞相當好景，內地食品股紛紛做好，雨潤（01068）升近7%、中糧（00606）升近5%。不過，零食股表現就相對失色，旺旺（00151）同康師傅（00322）只微升，統一（00220）叫做最好，但都只係升得1.6%。
嚟緊嘅禮拜五（十四日），國家統計局將公布內地九月份CPI，市場普遍認為通脹喺七月份嘅6.5%已經見頂，未來走勢仍然係睇跌，一眾副食品股將可受惠。
睇番幾隻股份嘅中期業績，盈利同毛利率都呈倒退，而經過近日的跌市，現時往績市盈率最低嘅統一都仲講緊25倍，而旺旺同康師傅更高達31倍同30倍，唔算吸引，不過大概因為股價早因業績因素而下挫，故在過去幾個月的跌市中，幾隻股份嘅跌幅反而唔算好大，以統一為例，年中高位5.6元，近月都只係一直喺4元樓上橫行，配合市場氣氛改善，短線應有進一步博反彈空間，以4元為支持，上望阻力4.6元。
詩詩