滙豐之前嘅廣告口號「環球金融 地方智慧（the world's local bank）」會逐漸淡出，初時仲以為「be part of the new world」會順理成章為口號新貴，不過，絲絲八到，原來呢句只係宣傳意念，並非廣告口號。
講起滙豐廣告，為咗配合集團注重國際足迹同埋關聯性，旗下工商金融（commercial banking）尋日開始喺香港都有新推廣登場，又強調一直致力推動中歐貿易同埋提供相關融資服務，「明示」新興市場增長潛力龐大。
工商金融其中有一個concept，絲絲就覺得好得意，以七種不同服飾嘅俄羅斯娃娃，代表七個不同新興市場嘅國家，由大至細或者由左至右排列，順序為印度、中國、巴西、埃及、南非、俄羅斯、墨西哥。大家睇完個廣告之後，唔知估中咗幾多個代表國家呢？
余絲韻