享用服務800萬入場
絲絲聽聞，永隆初步構思喺私人財富管理中心入面設有紅酒專區，一來可以畀客戶品嘗紅酒，二來可以介紹埋永隆首創嘅紅酒貸款，可謂一舉兩得。永隆早前獲得國家級蘇繡傳承人送贈嘅蘇繡。據了解，亦有人提議將蘇繡放喺中心入面，客戶欣賞之餘，又可以考慮下作藝術品另類投資。不過，最體貼就係特設空中花園，喺中環呢個石屎森林之中真係非常難得。
永隆私人財富管理服務入場門檻100萬美金或800萬港紙，依家環球股市立立亂，加上同業競爭激烈，要突圍而出並非易事，而設立一間私人財富管理中心都算係指定動作。
余絲韻