恒指昨日重上萬七點樓上，之不過，「空軍」未有收斂，大市沽空比率達11%，除非突然歐美或內地經濟層面有重大正面發展，否則市底利淡格局未變，持貨者別錯過「逃生」機會！
港交所（00388）尋日一度跌穿紅底價，低見99.15元，落到呢啲大位有爭持係正常，但以目前嘅估值，博反彈可免則免。
此外，十‧一黃金周，溫總冇得放假，事關又要趕往溫州幫手「撲火」，呢次主題係民間借貸頻爆煲問題。專門提供融資租貸及諮詢業務嘅遠東宏信（03360），相信唔憂冇生意做，昨日股價反彈6.8%至4.5元，成交3.3億元，主要係有多宗大手上板，價格喺4.45元及4.5元，搞咩東東要等着瞧。短線反彈4.8至5元阻力大，4.16元不宜有失。
古晨