絲絲講場:索羅斯撐「佔領華爾街」

「佔領華爾街」行動,被譽為金融界嘅茉莉花革命,已經喺美國遍地開花,花粉甚至吹至歐洲多國。可能華爾街嘅貪婪太離譜,就連股壇大鱷索羅斯都同情呢班革命倡議者。

怒轟銀行大派花紅

話說索羅斯出席一個關於支援非洲農村發展計劃嘅發布會時,被問到對最近反華爾街示威嘅看法。索羅斯話,佢其實好支持示威者嘅立場,對示威者嘅心情亦感到理解,而且矛頭直指銀行大派花紅嘅做法。

索羅斯話,好多小商人依靠信用卡貸款經營,但自從○八年金融危機後,佢哋就眼白白睇住信用卡息率由8%大增至28%,好多小商人根本冇生意做。但銀行攞咗納稅人嘅錢而得到挽救,大賺之後又再大派花紅,與小商人嘅困境可謂兩個極端。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!