隔晚美股低收，本來淡友得意，誰知港股尋日受颱風影響而休市，執筆時眼見外圍反彈，唔排除呢轉淡友見財化水。
個股方面，已躍升唯全球第三大個人電腦生產商嘅聯想（00992），近日宣布獲SONY前董事長出井伸之出任非執董，實屬好消息，事關早前聯想與日本NEC成立日本最大嘅個人電腦合營企業，意欲藉此進一步鞏固喺亞太區市場嘅領導地位，今次邀得喺日本IT界具分量嘅猛人坐鎮董事會，可以話事半功倍。
睇其股價走勢，六月以來每次股價調整底部有所上移，本周二、三連現兩支大陽燭，重返10、20及50日線之上，短線股價企穩5元樓上，可嘗試向上突破，下兩支阻力位分別喺5.45元及5.65元，支持位4.95元。
古晨