任職8年首度「升呢」
喺華盛頓舉行嘅頒獎典禮上，周小川好感謝《歐洲貨幣》雜誌畀面，授予佢全球最佳央行行長獎，仲話個獎係對人行每位員工辛勤同卓越工作嘅認可。呢個獎係由全球主要銀行家同投資者投票揀嘅，所以有一定嘅認受性。
小川同志做人行行長接近八年，但每年喺《Global Finance》嘅全球央行行長評級，大部分只得「C」級，最叻係今年攞到「B」，幾乎所有光芒都畀台灣央行總裁彭淮南搶晒，事關彭總裁成為歷來唯一嘅「8A」總裁。好在周小川都試過喺○五同○六年，連續兩年獲得《歐洲貨幣》旗下刊物《新興市場》評為「亞洲最佳央行行長」，一啲都唔失禮。