近期股市大跌，唔少散戶至愛跌到不似「股」樣，尤其係內銀股，主要係其資本充足率問題已引起監管機構關注，加上年底前內地市場流動性改善機會微，難怪內銀股會成落水狗，眼見技術走勢已明顯轉差，「災民」亦要接受現實，不要隨便溝貨。
上周連跌四日嘅百麗國際（01880），到上周五終於來個反撲，最後收報13.2元，上升5.6%。在本月上旬，百麗的管理層按每股15.28元配售2.4億股，若小股東冇緊跟出貨，如今後悔亦未免太遲！
如今睇落，管理層減持價已變成阻力，其往績市盈率尚有27倍，顯然未反映明年內地經濟增長放緩嘅風險。走勢上，近期跌勢已破壞了○八年底以來的上升趨勢，建議有貨趁反彈落車，冇貨嘅亦無謂多手。
古晨