券商鍾情聘請靚女，某程度係平衡吓市場枯燥嘅數字工作內容。由基金銷售部、債券到投行，普遍都用美女戰術。而運用「美人計」嘅，又豈止證券界，期貨公司、投行、信託，甚至私募基金等各類金融機構，倚重靚女從事銷售係十分普遍嘅現象。
靚女sales「轉會費」幾百萬
為咗令個體發揮最大效力，好多針對大客、機構嘅大額銷售，都係班靚女擔綱完成。由於銷售成績同佣金掛鈎，所以佢哋嘅收入相當豐厚。
聽講兩年前，深圳有個極為優秀嘅靚女銷售員跳槽，淨係「轉會費」就高達幾百萬人仔，同當時券商嘅首席經濟學家身價睇齊。其實喺今時今日，仲邊有人夠膽睇小啲靚女吖！
余絲韻