美國聯儲局一如預期維持息口不變，並採取延長手持4,000億美元國債期限等措施，但隔晚美股表現說明投資者對之不表樂觀，亞洲區股市更兵敗如山倒，日股及A股均跌逾2%，而恒指更跌4.85%收場。
睇見尋日連呢期城中最強嘅電訊股都出現龐大沽壓，可見唔少投資者都死心清倉離場。
內需股恒安國際（01044）尋日表現算係好硬淨，僅跌0.08%，收報64.95元。但呢期基金股表現愈硬淨，股民就愈驚，心怕會成為下一個大戶提款嘅對象，特別係隻股往績市盈率仲講緊32倍。再睇圖表走勢，雖然八月以來其股價支持位上移，惟兩次反彈均未能重上70元關，且多條平均線結合喺66元，照計呢啲位都係博唔過，都係做旁觀者，擔定櫈仔等睇戲。
古晨