這位丁磊並唔係網易創辦人丁磊，徐楓邀請入局嘅丁磊，係汽車行業專才，佢喺今年年頭至離開上海通用。
汽車專才 經驗豐富
其實今年內地嘅汽車業捱得好辛苦，經營環境好困難，丁磊離開上海通用後十日，另一個高層都辭職，同期內地好多汽車生產商先後有多名高層離職，反映行業劇變。
徐楓引入丁磊，可能係透過川河另一董事谷奕偉嘅介紹，皆因丁磊及谷奕偉同係張江集團股份嘅總經理。徐女俠搵丁磊幫手係好事，佢老公湯君年六年前過身，留低湯臣集團（00258）同埋川河畀佢打理，當年兩個仔仲好細。依家兩個仔都入咗局，加埋丁磊，徐女俠應該安樂晒。
余絲韻