第三季港股成交毫無起色，港交所（00388）收入直接受到影響，高盛剛把其目標價下調至147元，但古晨認為唔見120元都唔會動心。
近日傳來家電下鄉措施將於十一月底結束，海爾電器（01169）上周一起連跌五個交易日，累跌39%。創維數碼（00751）同期跌幅相對較少，昨收報3.47元，升3.27%。公司指，電視機中期需求仍會持續增長，政策結束對集團影響微乎其微。
創維過去兩年均賺逾10億元，受惠於產業補貼政策程度都唔細。近年農民增收，見有補貼全屋家電換新係平常事，但明年內地經濟增長可能放緩，創維往績市盈率僅單位數，正說明投資者嘅審慎睇法。反彈過後，股價仍可能探底，10日線阻力在3.9元，穿3.16元要嚴守止蝕。
古晨