八月份本地IPO市場可以話係一潭死水，聽聞唔少投行都積極部署，趁本月內地CPI數據或回落，以及美國將推出新一輪量化寬鬆措施，重推IPO活動，其中一隻係三一重工，據聞擬於十月初在港掛牌。
講到三一系，其大老闆梁穩根剛登胡潤中國首富之位，加上三一重工即將來港上市，同系已在港掛牌嘅三一國際（00631）亦叨光，尋日逆市升3.14%，收報7.89元。睇番三一國際幅圖，上月底以來嘅反彈浪，經已成功扭轉四月以來嘅下降軌，短線較大阻力位喺250日線8.08元，大成交重返其上，下一阻力位喺8.6元，向下宜守穩本月低位7.2元。
古晨