張忠謀被譽為「半導體之父」，呢位八十歲嘅企業家對台灣半導體行業飛躍至國際舞台，甚至同歐美日韓大企業平起平坐，可謂居功至偉。咁將來又點樣呢？
籲抓緊黃金十年
佢演講時就騷畀大家睇智慧型手機、電子書同iPad，嚟佐證半導體行業喺過去累積到嘅實力，未來10年嘅機會仲係喺生活娛樂必需品上，而且會更新。10至20年後，半導體仲會「搞到人體裏面」，即係往醫療行業發展，前途非常光明，係另一個黃金十年！
同全世界嘅企業家一樣，張忠謀都對政府有期望。佢呼籲政策上要畀適當協助，但唔使太多優惠，千祈咪做絆腳石，「唔好開槍打自己對腳」就好好嘞。
余絲韻