打入最具創新力榜
話說中國非凡（08032）收購李寧（02331）單刁最終喎咗，結果都幾令人意外，佢嘅競爭對手安踏（02020）尋日出咗個公布，提醒大家，佢哋打入咗《財富》雜誌（中文版）「2011最具創新力的25家中國公司」嘅榜內。查實《財富》喺八月頭已經公布咗個榜嘅排名，排頭位係騰訊（00700），安踏排十九位，今次算係提一提大家佢嘅威水嘢。
絲絲記得安踏主席丁世忠講過，佢哋嘅核心價值係創新求變，唔怪得之係唯一一間體育用品品牌入榜。
除此之外，安踏喺一項有關「電子商務綠色經濟發展」嘅活動中，攞到「營運最佳獎」。
余絲韻