基金愛股輪流被「洗白白」，尋日見恒安國際（01044）股價曾插落60元邊，公司將於下周二宣布業績，係咪成主角，好快有答案。
過往喺大跌市，公路股係避險之選，皆因主營業務現金流可觀，收入及派息穩定。不過，六月以來公路股一反常態隨大市向下，主要係內地五部委聯合專項整治公路違規收費，為期一年。
至於深圳高速公路（00548）市盈率已回落至8倍多，息率5.3厘，某程度已反映了政策不明朗因素。呢個月股價先後三次跌至3.4元水平現反彈。正所謂「吊頸都要抖抖氣」，尋日逆市靠穩，收報3.54元，升0.5%。技術上，4元已由支持位變阻力位，睇呢浸反彈力水有幾大，上唔番去恐怕要繼續玩潛水。
古晨