絲絲講場：信銀贊助兒童「生命導航」
大家都知道兒童係社會嘅未來，所以要好好栽培教導。中信銀行國際就深明呢個道理，所以佢哋就同小童群益會合作，籌辦一個名為「中信銀行國際——兒童才能發展基金」嘅計劃，日前佢哋就為參加計劃嘅兒童舉辦首次「生命導航」活動，去農莊過咗個充滿田園氣息嘅早上。
擴闊眼界 體驗藝術
要教導小朋友，最重要喺愛心同耐性，所以信銀國際喺出錢贊助之外，更派出16位企業義工隊成員，帶同30位兒童參觀位於元朗嘅「一對手農舍」，同佢哋一齊學習如何自製竹沙槌同環保肥皂，農舍嘅導師更教大家如何演奏非洲鼓樂。
除咗一班「賓架」落手落力做義工外，部分更帶埋自己子女做小義工，可謂全家總動員。信銀國際覺得，今次活動可以擴闊兒童嘅眼界，以及提升對藝術同文化嘅認識。當然，玩咗成個上午，義工同小朋友都把握機會，喺農舍度享受田園午餐。
余絲韻