內地嘅華誼兄弟幾年前製作咗套電視劇《蝸居》，道盡中國房奴心酸而吸引觀眾眼球、贏得共鳴同掌聲，現實裏面對愈吹愈大嘅樓市泡沫，要想擁有一個自己嘅「安樂窩」嘅心願同戲中人喺房價飆升下，生活面對着種種波折一樣艱難。
最近，內房龍頭之一嘅新世界中國（00917）就搵嚟華誼兄弟合作，搞搞新意思，希望將旗下樓盤業主幸福生活嘅另一面，搬上大銀幕同互聯網上同大家分享，傳遞正面嘅訊息。
絲絲聽聞，新中今次會喺全國性大搞，喺旗下物業嘅七萬個業主裏面徵集真實生活劇本、題材及演員，從開工拍攝到喺大銀幕上畫，活動將會歷時四個幾月。新中會喺公司布局嘅八個城市裏面選出八組家庭，由佢地演繹番自己嘅幸福生活片段，每個城市參演主要角色嘅家庭都會得到價值1.5萬元嘅獎品，同有機會全家四日三夜去香港嘅大獎。