絲絲講場：新地老友長青會聯誼

「新地長青會」係由集團出錢出力推出不同類型嘅活動，至今已招集了超過80名退休同事。「新地Xtra」（http://shkpxtra.shkp.com/zh-HK/）， 最近上載了一篇文章介紹這個老友會嘅點滴。

「新地長青會」係一個糅合康樂、學習、分享嘅平台，旨在延續過去數十載集團同事間嘅情誼，等退休一族活得更富姿采。長青會每年均會舉辦聚餐、旅行和健康講座等活動，絲絲印象中，喺香港嘅商業機構入面，好少呢類組織，郭炳聯亦不時出席參與以表示支持。

細心關顧退休員工

在「新地Xtra」最近嘅有關文章中引述了「新地長青會」活動別具人情味嘅點滴，曾有一些行動不便嘅會員希望參與長青會嘅聚餐或旅行，於是公司特別邀請埋佢哋嘅兒女陪伴出席。對於一些因行動不便而好少出席活動嘅會友，長青會亦會組織會員前往探望問候，讓他們得到多點關心，感到人間有情。

新地一向重視「以心建家」嘅精神，呢個會係將關顧員工嘅心意延伸至退休後員工，確係幾符合集團嘅路向喎。

余絲韻