呢兩日唔少二、三線股被洗倉，但其實公司盈利保持穩定，基本因素沒有多大改變，變嘅只係投資者對股市前景信心崩潰，要錢唔要貨。總而言之，要做好心理準備，本周市況波動擴大，恒指向上主要阻力位喺19,800至20,000點，向下就先睇本月低位18,868點。
近年積極收購海外資產的長江基建（01038），策略為大行受落，七月以來股價一直跑贏大市。事實上，仍停留喺股市嘅資金，選股偏重避險，這亦說明為何長建可成跌市奇葩。至於後市會否再現非理性拋售潮，古晨亦唔係先知，抱着找尋相對強勢股作避難所而已，見唔對路要跳車，就要閣下自己執生！
古晨