唔單只咁，差唔多每兩個香港人就有一個有出外公幹，有48%受訪者喺過去一年曾經作商務旅遊。MasterCard Worldwide香港及澳門區總經理孫奕朗話，香港作為亞太區嘅金融樞紐，商務旅遊依然特別暢旺。
旅遊點首選祖國
咁香港人最鍾意去邊度？結果都幾令絲絲意外，原來最多人鍾意返內地旅遊，其次就係台灣及澳門，睇嚟大中華區先至係港人至愛；可能與輻射危機有關，旅遊勝地日本只排第8位，排名仲低過第4及第5位嘅澳洲及南韓。
之前絲絲與「賓卡」朋友傾偈，好多人都話美元太弱，搞到出外旅行都「肉赤」咗；前幾日人民幣連續創新高，唔知又會唔會影響大家返內地旅行嘅興致呢？
余絲韻