工銀亞洲完成私有化進入新一頁，將工銀亞洲打造為成熟品牌嘅董事兼副總經理黃遠輝（Stanley）亦趁勢急流勇退，佢話做埋呢個月之後就會退下火線，發展個人興趣，但係究竟屬於「退隱」抑或「退休」就唔肯落定論，仲話即使退隱，都係大隱隱於市，睇嚟用多啲時間回饋社會真係所言不虛。
Stanley做咗37年銀行家，佢話係時候做吓自己嘢，發展個人興趣，例如考古學、攝影、畫畫及哲學等，仲未計持之已恒嘅田耕及高爾夫球，佢謙稱自己樣樣都未夠專業，依家係時候開拓人生。Stanley住得近中大，已經諗定如果去中大讀哲學，平時可以行路返學，睇嚟佢真係好嚮往悠然自得嘅生活。
香港舞蹈團近年由Stanley出任主席，不過佢話身處銀行業，好多時都只能夠開吓會咁，希望以後自己可以花多啲時間參與，做得更好，所以除咗發展私人興趣，仲希望多啲回饋社會。
余絲韻