亞洲區股市一如預期全線大插，雖然即日低位有反彈，但埋單計恒指仍跌逾2%。筆者相信，短線市況仍十分波動，故入市博反彈宜量力而為。
昨日內房股表現未有如想像中般差，皆因之前已累積一定跌幅，基金持倉已減，但唔等於可以買，事關下半年針對內房的調控措施鬆綁可能性不大。
環顧多個板塊，獨黃金ETF表現最強，上周推介的金礦股招金（01818）成跌市奇葩。老實講，金價亦存泡沫，只是如今全球經濟前景不明兼要抗通脹，資金別無他選，料短線金價可維持強勢。
此外，水務股低位亦見承接，好似早前提及的中國水務（00855），股價觸及低位2.37元後止跌回升，曾見2.53元，收報2.51元，升4.5%，相信是炒家見其跌至去年低位唔肯再落，所以入場博反彈。事實上，近月該股RSI明顯見到背馳，2.4元水平可小注跟炒，上望2.6元，止蝕位定於2.35元。
古晨