風潮觀點 可大可小（一）
「新興市場之父」麥博士 雙底衰退未見 不認為近期跌市反映雙底衰退的到來，美國經濟已見逐步復甦的迹象，但市場要擔心的並非降級，而是美國能否有效解決債務問題。
美盛管理 比爾米勒 標普做法危險 著名評級機構標準普爾降美債評級是錯誤及有危險性，很難接受一家商業機構有超級監管機構的權勢，能夠在系統核心指示金融機構如何持倉。
散戶 梁小姐 資產蒸發80萬 呢幾日我嘅資產應該蒸發咗80萬！咁大嘅單日跌幅係25年來第4次見咋！真係好罕見，一切都來得太突然。早幾日先買咗工行（01398），依家咪坐艇囉！
散戶 崔小姐 跌到我無晒癮 跌到我都無晒癮啦！上星期五入咗中國奧園（03883）同陽光能源（00757），依家坐晒艇，啲錢又無晒，惟有等運到！
散戶 樊小姐 睇好前景唔沽貨 上星期五買咗澳博（00880），點知繼續跌！連埋長揸嘅勝獅貨櫃（00716），蝕咗好多，但對香港基調有信心，點都唔沽貨架啦！
散戶 李小姐 博反彈唔吼銀行 我之前策略係按兵不動，等昨日個市跌定就博反彈，心水係中建材（03323）同埋和黃（00013）！唔會入銀行股，短線唔會彈好多。
諾獎得主 克魯格曼 憂經濟觸發跌市 全球大跌市並非反映市場擔心美國破產或者通脹升溫問題，而是擔憂美國經濟難有起色，美國人繼續受失業率高企煎熬。
聯儲局前主席 格林斯潘 美國零機會賴債 美國賴債機會是零，因只要「印銀紙」就可還債。標普調低美債評級打擊美國自尊心之餘，無疑觸動了市場悲觀神經，但危機重重的是歐元區，料美國不會雙底衰退，但股市見底仍需一段時間。
