期指觀瀾：應跌唔跌醞釀新升市
有個股市老行尊口頭禪話：「股市唔跌就升喇」，大家聽咗可能覺得係廢話，但頗適合在期指市場炒作的看官們，假如股市升跌是永恒，那應升唔升，或者應跌唔跌的時候，可能顯示大市開始接近轉捩點，便要把握這個撈底或沽頂的機會。
上星期五港股勁升超過457點，周一只係回吐151點，要記得周一外圍，滬綜指因為鐵路意外大跌3%，希臘債務評級被下調，港股是第一次應跌唔跌。昨日，亞洲市受奧巴馬在電視演講中，陳述一旦國會不通過提高國債上限，美國將面對嚴重後果，但昨日港股輕輕低開後，全日展露強勢，再一次應跌唔跌，顯見市場醞釀一次新升市的來臨。
昨日恒指升穿22,471點的長期下降軌阻力，亦一舉突破短期調整浪，21,508及21,611點可能是中線兩個低位所在。美中不足是現貨成交未配合，僅628億元，大市要升穿22,835點的上次高位，扭轉一浪低於一浪的形態，短期需要一次大成交突破配合。筆者於22,280點開的好倉，因此決定把止蝕價由22,191點上移去到22,264點。
John Mullen