屬長和系老臣子
已年屆70歲嘅劉錢崧喺去年退任赫斯基能源總裁後，隨即被調回香港，掌管原計劃獨立上市嘅赫斯基亞太區業務，雖然有關上市計劃最後並未落實，但佢喺拓展赫斯基亞太區業務方面仍擔當非常重要嘅角色，赫斯基喺南中國海嘅多個發展項目係劉錢崧嘅心血結晶，公司喺去年底委任殼牌（Shell）前高層Robert Hinkel出任亞太區業務嘅營運總裁，市場已估計係為劉氏嘅退休鋪路。
劉錢崧去年返港前，喺加拿大工作咗17年，部分人已唔多記得佢早年其實喺香港工作，佢喺九三年加入赫斯基之前，一直服務於長實（00001）及和黃，絕對係長和系老臣子之一。
余絲韻