「尚」系列個標誌，驟眼睇可能以為淨係得個中文字，但原來暗藏玄機，標誌設計巧妙咁將公司名稱中「3」、「6」及「1」集合為一體，絲絲都差啲睇漏眼。
「尚」系列主攻型人
「尚」品牌設計師王林傑話，「尚」主要係運動與時尚休閒並重嘅產品，以高端運動時尚為定位。講到明針對嘅消費群，係以經濟發達沿海城市嘅18至25歲顧客為主，仲要係對時尚敏感喎。
絲絲都希望「尚」系列有朝一日可做到「剔號」及「三葉」呢兩大國際體育用品品牌嘅成就，雖然人哋每年耗資嘅廣告、宣傳費用，實非等閒品牌可以相比，不過361度呢個子品牌只係剛起步階段，放長雙眼睇吓市場反應好壞都未遲。
余絲韻