或唔再一味「做淡」
「渾水哥」澄清話渾水嘅報告只會喺網站及向訂閱者公布，若查明有人冒認其名聲，必會採取法律行動喎。
佢所講嘅其實係早前雨潤（01068）被「洗倉」嘅推手，市場傳聞話係渾水會推出攻擊雨潤嘅報告，但佢話自己連雨潤係乜嘢公司都唔知，明顯係有人利用渾水嘅名聲企圖從中獲利。
其實出名一向都要付代價，尤其係當名聲可帶來厚利。「渾水哥」亦明白自己嘅長處，所以講到明只要中國一日仲有「造假文化」，佢都會繼續「打假」，但就可能唔再一味「做淡」，未來可能嘗試「長揸」自己喜愛嘅公司，賺到嘅錢隨時比起「做淡」仲多。
余絲韻