力Sell新盤「十里銀灘」
有呢個風味係源於碧桂園喺本月底，會推出位於深圳東亞婆角旅遊度假區項目嘅首個臨海度假項目「十里銀灘」，雖然個盤未正式開賣，不過碧桂園總裁莫斌尋日就親自來港介紹呢個項目，佢仲Sell大家話買唔買自己決定，不過大家一定要去睇吓，唔睇就一定後悔咁話喎。
據碧桂園介紹，呢個「十里銀灘」好似海南島嘅三亞一樣咁靚，但勝在唔使坐飛機就到，莫總話嗰度真係「非常美」，叫大家千祈咪錯過呢個機會呀！到底嗰度嘅沙灘有幾靚，又有幾方便就見仁見智，不過絲絲覺得，話晒係一個第一期就推5,080個單位嘅大Project，做總裁嘅梗係要落力啲啦，實行貫徹「給你一個五星級的家」嘅口號！
余絲韻