網民彈滙豐StockMax
滙豐擬於今年第三季推出「StockMax」零售客戶股票對盤交易平台，惹來散戶網民熱烈討論。雖然滙豐強調，並非要自建另一個交易市場，並會即時呈報港交所（00388）及支付相關費用，只是先內部對盤為客戶對好價，未能較佳價配對才輸入港交所系統。網民就形容這系統等同黑池交易，日後坐大將會蠶食港交所盈利。
指散戶易被誤導
網民kennysiuhk在討論區留言稱：「輸嘅係港交所、其他銀行同散戶；贏家係獅子（指滙豐）同大鱷，原本只有一個賭場，買幾多，大家睇到，依家開多一家，好多嘢係遲點先至畀你睇，有嘢想俾你睇就show畀你睇，大鱷一定係食散仔，甚至自己人賣畀自己人，個價就任佢做，畀獅子坐大咗，其他細銀行唔依附佢就bye bye...」
網民cskch則憂慮，StockMax對不到盤轉往港交所期間的延滯：「2秒可以用HFT（高頻交易）玩你，現在細股都有呢個現象，再加多兩秒唔敢想像，即係你一出貨，Bid queue有兩秒時間縮，但其實早前有人成了，你又唔知，以為無人要，就壓價收你啲貨。」
網民mawa就認為，滙豐是希望壯大系統後吸引更多大戶：「銀行、證券行自己客對盤不嬲都有，無咩特別，呢次特別之處係滙豐係有好多散戶，可以有規模效應，有咗呢個『黑池』系統，變相係對基金大戶好吸引，無咁多散戶，無規模效應都無對手可以做到『黑池』，所以，HSBC散戶做基金大戶對手，你話邊個輸了？而HSBC很明顯就係吸引大戶生意。」
3_KKK則質疑滙豐是逼客戶使用該系統：「外國的黑池系統係畀大戶用，無理由強迫散戶參與，唔用仲要散戶填form取消，其實可以向消委會投訴。」