兒童消費品開發及零售商博士蛙（01698）與日本綜合玩具廠商多美（Takara Tomy）合作，會擦出乜嘢火花？兩家公司都參加咗正喺上海世博園內中國館進行嘅動漫遊戲博覽會，第一個火花就係即場簽約，其中一項合作係將風靡日本嘅「Kiddy Land」引入內地。
據講多美嘅玩具產品將通過博士蛙嘅銷售網絡進入中國市場，博士蛙主席鍾政用話，繼哈利波特、網球王子、巴布工程師等一線國際兒童動漫知名品牌後，佢哋與多美合作一定可以令到人氣再升，兩公司會一齊研究推廣Kiddy Land嘅通道，由於文化唔同，雙方仲會研發及生產適合中國兒童嘅產品。絲絲記得，博士蛙已有Babyland兒童專區，依家有埋咁紅嘅Kiddy Land，細路仔梗係開心啦。
余絲韻