絲絲講場：聯想重登世界500強

中國61家公司上榜

今年入圍《財富》世界500強排行榜嘅門檻係營業收入約195億美元，較去年嘅171億美元提高24億美元。沃爾瑪去年營業收入4,218億美元，盈利有163.8億美元，再次成為《財富》世界500強嘅榜首。

喺今年排行榜內，中國公司仍然搶眼，去年上榜嘅今年都悉數入圍，共有61家公司入榜，比去年增加15家公司，係連續第8年上升；若計入台灣地區嘅上榜企業，上榜公司數量將達69家，已超過日本，僅次於美國嘅133家。不過，大陸仍只有兩家民營企業上榜，分別係華為公司（排名351位）及江蘇沙鋼集團（排名366位）；另外，喺新上榜嘅15家公司中，有13家都係首次上榜。

至於排名最高嘅中國企業係中國石油化工集團，由去年嘅第7位升到第5位；排第6及第7嘅亦係中國公司，分別係中國石油天然氣集團及國家電網公司。

余絲韻