結束過去 開始未來
尚在人世就為自己搞「追悼會」聽落真係唔多吉利，史玉柱喺自己嘅微博主動宣布，佢本人與馬雲、劉永好等共7人，喺重慶研究決定舉辦一個集體追悼會，為嘅係「結束過去，開始未來，日後每活一天就淨賺24小時，珍惜每一天，充實每一天，快樂每一天」。
史玉柱呢篇博文一出，自然引來網友熱議，有內地媒體更向史玉柱追訪，佢就話呢個建議係由7人之中嘅萬通集團董事長馮侖先提出來，有此想法係一時興起，至於「追悼會」嘅舉行日期雖然未有定案，但就有唔少網友話到時即使要買票亦要入場參與「追悼」！之不過，電影入面嘅李香山係因為患有重病先至提早搞「人生告別會」，佢哋唔怕畀人誤會咩？
余絲韻