憂被大鱷有機可乘
王國安話自己絕對係講道理，唔係意氣用事，對於港交所連串改革建議，佢話自己唔係只顧經紀利益，而係擔心金融安全，因為近年對沖基金紛紛來港搵食，佢怕推出呢啲措施，更容易令對沖基金有機可乘，舞高弄低。佢仲話喺金融海嘯後，歐美監管機構收緊金融政策，佢好希望交易所分清楚改革及金融安全嘅先後次序。
王國安又好希望小加總裁清楚話畀佢知，重提收市競價時段嘅優點，以及佢提出連串改革係咪已經過深思熟慮。
擬下周飯局前行動
小加總裁喺下周三會與七大經紀團體「鴻門夜宴」，不過王國安就會「先發制人」，諗住喺當日發動向港交所請願抗議，以宣洩不滿。佢話唔會理會有幾多人參與，總之願意到場嘅就嚟啦！
余絲韻