「舖王」鄧成波（波叔）個仔鄧耀昇（Stan），佢嘅正職係搞結婚相關嘅一條龍服務，最近佢將呢項人生大事惠及一班老人家，令佢哋可以用「平平哋」嘅價錢，補搞番個溫馨浪漫嘅婚禮。
好多老人家以前只係簡簡單單咁拉埋天窗，好少會搞正式嘅婚禮，東華三院最近推出一項「賀禮‧利得‧惠東華計劃」，專畀老人家用，令佢哋可以留下美好嘅婚禮回憶。
阿Stan認為值得支持，所以就加入嚟做，利用佢新接手嘅「奇妙姻典」（依家叫拉斐特），喺指定嘅4個婚嫁吉日舉行婚禮，價錢好優惠，只需1,500蚊，提供證婚服務，費用較政府婚姻註冊處更經濟，亦更方便！
最特別嘅係，阿Stan會將活動嘅收益全數撥捐東院，令更多人受惠，即係話佢係免費提供服務。佢話能夠從營商中回饋社會，自己亦好開心。
當然阿Stan都係生意人，佢哋搞咗一啲婚前講座，每人只象徵式收番100蚊，聽講短短幾日就已經有成百人報名出席，如果上晒8堂，仲會得到價值3,000蚊嘅禮物及折扣優惠添。
余絲韻