絲絲講場：菲學生靠環保奪冠
「滙豐青年企業家獎」比賽由○○年開始舉辦至今已超過10年，期間培育嘅青年企業家可能已進身為大企業家，今年嘅比賽剛啱完結，3位來自菲律賓嘅大學生憑着有關環保食品包裝嘅創新商業計劃，勇奪最高榮譽大獎，贏取10萬元嘅滙豐商業發展基金。
總決賽評判團由滙豐亞太區企業可持續發展總監區佩兒擔任主席，佢話今年嘅比賽好激烈，2,300多名大專學生組成885支隊伍參加，比賽自○○年喺香港舉辦後，已逐步推廣至孟加拉、汶萊、馬來西亞、菲律賓、上海及泰國等地。呢個比賽嘅目的係旨在培育年輕一代嘅商業才能及創業精神，鼓勵佢哋撰寫創意及發展潛力俱備嘅商業計劃書。
為咗進一步擴闊視野，得獎者更展開為期4日嘅準企業家香港之旅，透過經驗分享、企業探訪等多角度了解香港嘅多元商業發展，佢哋將會參觀海洋公園、港交所等大型企業及機構。
佘絲韻